இந்தத் தளத்தில் பிரசுரிக்கப்பட்ட கவிதைகள் வெவ்வேறு பருவத்தில், வெவ்வேறு காலகட்டத்தில், வெவ்வேறு இடங்களில் கண்டவை — அனுபவித்தவை, கோபம் கொண்டவை, மகிழ்ந்தவை, வியந்தவை.

சிறுவயதில் என் அண்ணனின் கவிதைகளை படிக்கும்போது, சிலது புரியாமல் போனது. சிலது மொழியின் நுட்பத்தோடு இருந்தது — பழமொழி போல் ஒரு வரியில் பல அர்த்தங்கள், சில கவிதைகளில் ஒரு கதையே அடங்கி இருந்தது. அந்த அதிசயம்தான் என்னை கவிதையில் இழுத்தது.